خپلواکې زمزمې؛ د زمري ۲۴مه د ازادۍ ورځ
د اسد ۲۴مه په افغانستان د اسلامي امارت د بیا ځلې واکمنېدو په مناسبت د رسالت کلتوري مرکز د «خپلواکې زمزمې» تر سرلیک لاندې ځانګړې مشاعره جوړه کړه.
د اسد ۲۴مه په افغانستان د اسلامي امارت د بیا ځلې واکمنېدو په مناسبت د رسالت کلتوري مرکز د «خپلواکې زمزمې» تر سرلیک لاندې ځانګړې مشاعره جوړه کړه.
په دې فرهنګي غونډه کې د افغانستان یو شمېر ځوانو شاعرانو، د پوهنتونونو استادانو، فرهنګیانو او د رسالت کلتوري مرکز غړو ګډون کړی و.
د غونډې ګډوالو ته د رسالت کلتوري مرکز په استازیتوب عابدالله احساس وینا وکړه او ددې مرکز د فعالیتونو په تړاو یې معلومات وړاندې کړل.
احساس وویل (( دافغانستان د کلتوري او تاریخي ارزښتونو او ملي ورځو په تړاو غونډو، د اثارو او کتابونو چاپ ته دا مرکز په خپله ژمنتیا ولاړ دی. زموږ هر فعالیت به له لیکوالانو سره په مشوره ترسره کیږي. داکتر صاحب ژمنې کړي چې د لیکوالانو او شاعرانو د کتابونو د چاپ په برخه کې به هڅې کوي او دغه راز به د نورو مناسبتې ورځو لپاره ارزښتناکه او اغیزمنې غونډې جوړوي.))
د مشاعرې ګډونوالو ګډونوالو د افغانستان د خپلواکۍ، ملي هویت، تاریخي ویاړونو او د هېواد د آزادۍ په ارزښتونو خبرې وکړې او د همدې ورځې په تړاو یې خپل شعرونه او ادبي ویناوې وړاندې کړې.
په مشاعره کې ځوانو شاعرانو د هېواد د خپلواکۍ او ملي ارزښتونو په اړه خپل احساسات د شعر په ژبه بیان کړل او د ګډونوالو له لوري یې تود هرکلی وشو.
د «خپلواکې زمزمې» مشاعره د ادبیاتو، شعر او فرهنګ له لارې د هېواد د تاریخي ارزښتونو د یادولو او د ځوان نسل ترمنځ د ملي احساس د پیاوړتیا په موخه جوړه شوې وه. د رسالت کلتوري مرکز مسوولینو ټینګار وکړ، چې خپلواکي یوازې د یوه تاریخي بریا نوم نه دی، بلکې د ملي هویت، عزت، یووالي او د راتلونکو نسلونو د مسوولیت څرګندونه هم کوي او رسالت به د هېواد د فرهنګي، ادبي او تاریخي ارزښتونو د ژوندي ساتلو او د ځوانانو د استعدادونو د ودې لپاره به ورته فرهنګي پروګرامونه دوام ولري.
په لاندی تړون کیکاږی او پوره خپرونه وګورئ.